Tuesday, 17 October 2017

Rigar Da Inkasa zaka bace: ba tsafi sai kimiya da fasaha.




Kamar yadda kowa ya sani cewa akwai mutane wadanda suke jingina bango, wato subi ta jikin gini su bace, to yanzu an fara bacewa ta hanya mai kyau ba irin hanyan amfani da sihiri ko kafirci ba.



Kamar yadda kowa ya sani cewa sihiri ko tsafi kafirci ne. A zamanin da da yanzu akan sami mutane masu bacewa su shiga gida koda kuwa gidan a kulle ne su kuma iya shiga daki koda kuwan dakin a kulle yake saboda suna bacewa daga zaran sun jingina jikinsu a bango. Amma wannan hanyan kafirci ne, saboda tsafi ne.

Amma yanzu an sami hanyan da ake bacewa ba tare da an yi amfani da sihiri da tsafi ba. Wannan kuwa ba wata hanya bace ba illa hanyace ta amfani da infrared rays. Infrared rays ilimin kimiyya ne da fasaha wanda yake samar da signal wanda idon dan adam baya iya ganin wannan signal din. A jikin remote na TV akwai wani koyi wanda yake samar da signal tsakanin remote din da TV. Wannan dan koyi ya amfani ne da infrared rays.

Infrared rays kan tura sako ko kuma umarni ne ta yadda idanuwan dan adam baya iya gani. Shi yasa idan ka danna remote control zaka ga ya umarci TV da ya aikata wani abu ba tare da wani yaje ya taba TV din ba. Misali idan ka yi pressing din volume key a jikin TV remote sai ka ga TV din ya kara ko rage volume din sa.

To da wannan fasahar remote din dake amfani da infrared rays signal yanzu aka hada wata riga wacce idan mutum ya saka kuma ya kunna to rigar zata bi hanyar rays (daman idanuwar dan adam basa iya ganin infrared rays) ta bace.

Ko meyasa wannan rigar take bacewa? Dalili shine a duk lokacin da ka saka rigar ka kunnata to zata yi generating din signal ne, ita kuwa signal bata bin kowace hanya sai hanyan infrared rays, shi kuma infrared rays idanuwa dan adam basa ganinsa, shiyasa idan rigar ta samar da signal to hatta kai da ka saka rigar zata bi da kai ta hanyar da kai ma idanuwa basa iya ganinka. Harma zaka iyabin jikin bango ko ka shiga daki koda kuwa dakin a kulle ba tare da wani yaganka ba.

Wallahi wannan kimiyyar babu shakka ba kafirci bane, domin Allah dakansa ya rantse da hanyar infrared kamar yadda malamai suka fassara aya ta farko a cikin suratul-buruuj. Ina fatan mai karatu ya gane sirrin yadda al'amarin yake.

Macen dake da wahalar samuwa a wannan zamani



Macen Da Ke Da Wuyar Samu A Yau .

Sheikh Aminu Ibrahim Daurawa Ya kamata mu sani cewa mace daya ce a duniya take da wuyar samu, amma idan ka samu irinta, kada ka kuskura ka rabu da ita.

Ya halatta ka auri mace fiye da daya, amma Ka sani, mace daya ce kawai, take yin tasiri a rayuwa, wacce ranka kullum zai kasance a kanta.

Babbar tambaya a nan ita ce, wacece wannan dayar? Ita ce wadda duk da namiji yake muradin samu a rayuwarsa, ita ce wacce ke koyi da rayuwar shugabar matan duniya kuma diya ga Rasulallahi (SAW), wato Nana Fatima (Allah Ya kara mata yarda).

Haka kuma ita ce wacce kowace mace take fata ta zama. Ga siffofinta guda goma, Kamar haka:

1. Matar da ta yarda ita mace ce, don haka ta tanadi duk abin da ake bukata a wajen mace.

2. Mace mai hikima da azanci, wacce ta karanci mijinta da kyau, kuma take kauce wa duk abin da zai haddasa matsala a tsakaninsu.

3. Mace mai taushin hali da nutsuwa, wacce miji yake jin natsuwa idan yana tare da ita.

4. Mace da kudi bai dame ta ba, ita mijinta kawai take so, ko da akwai ko babu.

5. Mace mai hakuri da juriya, babu gunaguni, babu mita, da kai kara ga iyaye ko kawaye.

6. Macen da ta dauki kanta likita, mijinta mara lafiya, domin ya sami kulawa, ta
musamman da riritawa.

7. Mace mai saurin daukar ishara, tana gane shiru da magana, da motsi da yanayin shigowa da fita, samu da rashi da kuma yanayin da ake ciki a duniya ko a gari.

8. Mace mai sakakkiyar zuciya, mara kulli da ramuwa.

9. Mace mai karawa miji kuzari da karfin hali, a kan kyawawan manufofinsa.

10. Mace mai rikon amanar aure, da soyayya ga mijinta kawai.

Tarihin Ministotin Mulkin buhari


Tarihin Ministotin mulkin buhari.

1. Babatunde Fashola, Ya yi gwamnan jihar Lagos daga shekarar 2007 zuwa 2015. Dan shekaru 52, Fashola lauya ne kuma ya taba rike mukamin shugaban ma'aikata a fadar gwamnatin jihar Lagos a zamanin mulkin, Bola Ahmed Tinubu.

2. Cif Audu Ogbeh, daga jihar Benue. Tsohon shugaban jam'iyyar PDP ne kuma ya taba rike mukamin ministan sadarwa a zamanin mulkin shugaba Shehu Shagari. Ogbeh mai shekaru 68, ya yi karatu a Jami'ar Ahmadu Bello ta Zariya.

3. Hadi Sirika, tsohon Sanata ne daga jihar Katsina. Kuma ya taba zaman dan majalisar wakilai daga 2003 zuwa 2007. Sirika tsohon matukin jirgin sama ne.

4. Abubakar Malami SAN, Babban lauye ne kuma ya taba rike mukamin shugaban kula da bangare shari'a na tsohuwar jam'iyyar CPC ta shugaba Buhari.

5. Kayode Fayemi, tsohon gwamnan jihar Ekiti, ya shafe shekaru hudu a kan kujera kafin ya sha kashi a lokacin yana neman wa'adin mulki na biyu. Inda Ayo Fayose na jam'iyyar PDP ya samu galaba a kansa.

6. Rotimi Amaechi, tsohon gwamnan jihar Rivers daga 2007 zuwa 2015. Dan jam'iyyar PDP ne kafin ya sauya sheka ya koma APC. Shi ne ya jagoranci yakin neman zaben shugaba Buhari.

7. Udoma Udoh Udoma, tsohon Sanata ne daga jihar Akwa Ibom daga shekarar 1999 zuwa 2007 a karkashin inuwar jam'iyyar PDP. Ya yi takarar gwamna amma bai samu nasara ba.

8. Ahmed Musa Ibeto, tsohon mataimakin gwamnan jihar Niger daga shekarar 2007 zuwa 2015. Ya raba gari da tsohon mai gidansa, Muazu Babangida Aliyu, shi ne yasa ya bar jam'iyyar PDP ya koma APC.

9.Kemi Adeosun, tsohuwar kwamishiniyar kudi ce a jihar Ogun. Ta karanta fannin tsimi da tanadi a Ingila kuma ta shafe fiye da shekaru 23 tana aiki a fannin tattalin arziki.

10. Suleiman Adamu - dan jihar Jigawa ne. Kuma Injiniya ne wanda ya shafe shekaru yana aiki. Dan Sarkin Kazaure ne kuma ya yi karatu a jami'ar Ahmadu Bello ta Zariya da kuma jami'ar Reading ta Ingila. Adamu ya yi aiki da Afri Projects kamfanin da ke lura da kwangilolin PTF.

11. Emmanuel Kachikwu, shi ne shugaban kamfanin mai na Nigeria NNPC. Dan jihar Delta ne kuma tsohon ma'aikacin Exxon Mobil ne wanda ya karanta fannin shari'a a jam'iyyar Nsukka.

12. Janar Abdulrahman Dambazau, tsohon babban hafsan sojin kasa a Nigeria. Dambazau dan jihar Kano ne kuma yana da digirin-digirgir.

13. Aisha Alhassan, ta yi takarar gwamna a jihar Taraba amma ta sha kaye a hannun Darius Ishaku na jam'iyyar PDP. 'Yar majalisar dattijai ce daga 2011 zuwa 2015 an zabi Aisha Alhassan a karkashin inuwar jam'iyyar PDP kafin ta koma APC.

14. Lai Mohammed, tsohon kakakin jam'iyyar APC ne daga jihar Kwara. Kuma tsohon ma'aikacin hukumar kula da filayen jiragen sama ta Nigeria ne watau FAAN.

15. Chris Ngige, tsohon gwamnan jihar Anambra ne kafin ya sha kaye a kokarin tazarce inda Peter Obi na jam'iyyar APGA ya samu galaba a kansa. Ngige ya yi Sanata daga 2011 zuwa 2015.

16. Amina Ibrahim, tsohuwar mai bai wa shugaban Njeriya shawara a kan harkokin muradun karni a zamanin mulkin Cif Obasanjo da kuma marigayi Umaru Yaradua. Ta yi aiki tare a ofishin babban sakatare na majalisar dinkin duniya, Ban Ki Moon.

17. Ogbonnaya Onu, shi ne gwamna na farko a jihar Abia daga 1992 zuwa 1993. Ya taba rike mukamin shugaban jam'iyyar ANPP na kasa kafin kafa jam'iyyar APC. Onu ya yi karatu a jami'ar Lagos da kuma ta California a Amurka.

18. Solomon Dalong, dan jam'iyyar APC ne daga jihar Filato. Ya yi takarar gwamna amma Simon Lalong ya doke shi a zaben fitar da gwani.

19. Adebayo Shittu, dan jihar Oyo ne. Kuma ya yi takarar gwamna karkashin inuwar jam'iyyar CPC a shekara ta 2011 inda Abiola Ajimobi na jam'iyyar ACN ya samu galaba a kansa. Shittu kwararren lauye ne.

20. Osagie Ehanire, dan jihar Edo ne. Shi ne shugaban gidauniyar TY Danjuma kuma kwararren likita ne wanda ya shafe shekaru yana aiki a babban asibiti na gwamnatin tarayya da ke Benin.


Ina mamakin yadda ma'aikata ke rayuwa ba albashi: abunda buhari ya tuhumi gwamnoni yau



Shugaban kasa Buhari na ganar sirri da gwamnoni Nigeria.

Shugaban kasar ya tattauna dasu akan yadda suke gudanar da milkinsu a jahohinahohin su. sannan yake tambayarsu yadda suke gudanar da albashi a jahohinsu.

Buhari Yace:


Ina Mamakin Yadda Ma'aikata Ke Rayuwa Babu Albashi, Kamar Yadda Shugaba Buhari Ya Fadawa Gwamnoni.

"Ina mamakin ta yaya mutum zai kwanta ya yi barci ba tare da ya biya ma'aikata albashi ba? Ta yaya ma'aikata suke ciyar da iyalan su, su biya kudin hayar gidan su da kudin makarantar yara?" A cewar Buhari.

A nasa jawabin shugaban gwamnoni Abdulaziz Yari cewa yayi, sun gaji basussuka ne da kuma ayyukan da ba a kammala ba. Amma kudaden daukin gaggawa da na Paris Kulob da suka karba sun yi amfani da su ta hanyar da ya dace.

Wani Da yakamu da cutar kyandar biri yakashe kansa



Daya daga cikin mutae 21 da suka kamu da cutar kyandar biri a jahar Bayelsa ya kashe kan shi a jiya Litinin a gurin da aka kebe su da ke asibitin koyarwa na Niger Delta, a Yenagoa babban birnin jahar.

Yayin da ya ke sanar wa manema labarai, kwamishinan lafiya na jahar Ebitimitula Etebu ya nuna takaicin sa game da faruwar wannan abu duba da yadda gwamnati jahar ta ke iya kokarin ta na kula da wadanda suka kamu da cutar da dakile yaduwar ta.

Ya ce bayanan kiwon lafiya na mamacin ba su nuna cewa ya na da tabin hankali ko tsananin damuwa ba, sai da ya ce za su kara bincike domin su samu karin haske game da musabbain faruwar lamarin.

Mista Etebu ya ce tuni suka sanar da ‘yan sanda da iyalin mamacin. Ya kuma kara jaddadawa cewa gwamatin jahar ba za ta yi kasa a gwiwa ba wajen ganin ta kawo karshen yaduwar cutar cikin kankanin lokaci.

Wani Lauya ya maka Shugaba Buhari Kara a kotu


Babban Lauyan Najeriya Olisa Agbakoba ya maka Buhari a Kotu.


Lauyan ya nemi a sauke Shugaban kasar daga matsayin Minista Shugaba Buhari ne ke rike da ofishin Ministan man fetur na kasar.
Wani babban Lauya a Kasar nan kuma ya shiga Kotu inda yake nema a sauke Shugaban kasa Muhammadu daga matsayin sa na Ministan man fetur na Najeriya.
Wani babban Lauya ya nemi a sauke Buhari daga matsayin Minista Shugaban Kasa Muhammadu Buhari A cewar tsohon Shugaban Lauyoyin Kasar .

Dr. Olisa Agbakoba SAN bai halatta Shugaban kasa ya kuma rike mukamin Minista ba. Agbakoba ya kai kara ne a babban Kotun Tarayya da ke Birnin Tarayya Abuja.

A cewar babban Lauyan dokar kasa bai dace ace an rantsar da Minista ba tare da Majalisa ta tantance sa ba wanda kuwa babu wanda ya tantace Shugaban kasar wanda yake babban Ministan man fetur na Najeriya.
A cewar Agbakoba SAN dai Shugaban kasar ya saba dokar kasa don haka yake kira Kotu ta sauke sa daga mukamin. Yanzu haka dai ba a sa ranar sauraran karar ba.


Monday, 16 October 2017

Gobara Ta tashi a Gidan Minister



Gobara Ya Tashi A Gidan Minista Man fetur, Ibe Kachikwu

Al’amarin wanda ya fara ci daga dakin kwanan sa ya afku ne a ranar Lahadi, 15 ga watan Oktoba.

Gidan na a Asokoro, babban birnin tarayya Abuja
Wani rahoto da jaridar The Cable ta nuna cewa wani gidan Ibe Kachikwu ya kama da wuta a ranar Lahadi, 15 ga watan Oktoba.

A cewar rahoton, gobaran ya fara ne daga dakin baccin karamin ministan na man fetur da yamma.

Gidan na a unguwar Asokoro, babban birnin tarayya Abuja.
A cewar wata majiya da ba’a bayyana ba a rahoton, gobaran ya tashi ne sakamakon wani akasi da aka samu daga wutan na’urar sanyaya daki.

Zuwa lokacin wannan rahoton, ba’a gama sanin irin barnar da gobarar tayi a gidan ba amma dai ance babu wanda yaji rauni a al’amarin.

Tuesday, 10 October 2017

Yadda Zakai chaji da coca cola


MUTANE DA YAWA SUNA TUNANIN ANYA KUWA WANNAN ABU MAI YUWANE?

Tabbas abune dake yiwuwa domin shi ilimin technology yawa gareshi kuma indai kana yawan research to kuwa zakayi karo da ilimi daban daban.

GA YADDA ZAKAYI.

 Yadda zaka hada shine, kasami coca cola kajuye acikin cup na rubber
( banda na karfe), saikaje wajen masu chargin batir din mashin a
workshop dinsu kenan, kace kanaso subaka electrode na batir guda biyu na batirin dayayi comdem, idan suka baka zakagansu guda biyu .

saika sakasu a cup din, amma karka
bari karfen yahadu da dan uwansa,
sai kanemi meter.

 kana saka meter insha Allahu zakaga ta harba da wuta alaman cewa akwai voltage da current acikin wannan ruwan coca cola.

KO MEYASA ZAI IYA CHARGING
WAYA?

Saboda wutan dayake samarwa direct current ne.
su kuma waya tana amfani da direct current ne
kaga kenan mezata jira abin nema
yasamu.

Amma wutan bamai karfi ne har can
can ba. Karka dauka zaka kalli tv ko
amfani da fanka koyin wuta.

Aisha Buhari tayI magana mai kyau gameda gwamnatin buhari



Idan har shugaban kasa zai iya yin watanni a Kasar waje sabo da rashin kayan aiki a asibitin dake fadan sa, ina talakawan da basa da galihu zasu sa kan su a Nigeria ???


Hajiya Aisha Buhari ta sake kwanto kura a taron masu ruwa da tsaki na wata hukumar kula da lafiyar mata da yara, wanda aka gudanar a asibitin da ke cikin fadar shugaban kasar, inda take cewa:

"Na ji matukar dadi da nake wannan maganar a lokacin da shugaban asibitin fadar Dr. Hussain Munir yake nan, kowa ya san cewa wata shida da suka gabata mijina ba shi da isasshiyar lafiya, amma yanzu mun gode Allah ya samu sauki."

"Makonni kadan da suka gabata, na yi fama da rashin lafiya, sai likitocin asibitin fadar shugaban kasa suka shawarce ni cewa na hau jirgin farko zuwa London, amma sai na ki."
"Na ce musu dole ne a duba ni a gida Najeriya, saboda akwai kudin da aka ware musamman don kula da asibitin," in ji ta.

Hajiya Aisha ta kara da cewa: "Idan dai har shugaban kasa zai shafe watanni da dama a wani asibiti a kasar waje, to za a yi mamakin halin da talakan kasar kuma ke ciki wanda ba shi da gata."

"To idan har kudin da aka ware don kula da sibitin ya kai miliyan 100, za mu so mu san ta yaya aka kashe kudin.

Rannan da nasa a tambaya ko suna da injin daukar hoton kashi sai suka ce ba ya aiki, ba su san cewa ni ce nake son zuwa a duba ni ba."

Uwargidan shugaban kasar ta kara da cewa hakan ne ya sa ta tafi wani asibitin kudi mallakin 'yan kasar waje don a duba ta.
"Na ce musu dole ne a duba ni a gida Najeriya, saboda akwai kudin da aka ware musamman don kula da asibitin,"

"Idan har abu irin wannan zai faru da ni, to lallai ba na bukatar tambayar matan gwamnoni abin da ke faruwa a jihohinsu. Nan Abuja ce inda fadar shugaban kasa take.

"Duk da cewa na ji wani a jawabinsa ya ce Najeriya daga cikin kasashen da take da tsari mai kyau, lallai na yarda, amma matsalarmu ita ce jajircewa don ganin an aiwatar da abu."

kasafin kudin da aka ware na 2017 ga asibitin fadar shugaban kasa dai, wanda kuma majalisar dattawa ta amince da shi ya fi naira miliyan 330,000.


Ku kasance da hausa7............

Monday, 9 October 2017

Video: Soyayya takai ga haka? comedy





Hmmmm dauko wanan video kasha dariya

Danna wanna koron rubutun da yake kasa domin daukowa


Download